بالفيديو .. تسريب الحلقة 20 من الاختيار 3.. «الشاطر»: عصام سلطان بيدي رشاوى.. و«مرسي»: خد فلوس من إيران

عرضت الحلقة العشرون من مسلسل الاختيار 3، تسريبا جديدا لخيرت الشاطر، نائب مرشد جماعة الإخوان الإرهابية والمعزول محمد مرسي.

وفي التسريب، قال خيرت الشاطر: هو عصام مش عاقل أصلًا في عداوته، “يقصد عصام سلطان ” مش عاقل، طبيعة شخصيته كده، عصام سلطان بس هو كان رئيس اتحاد طلبة، وعامل إنه زعيم، وبعدين إحنا إشكاليتنا الرئيسية معاه، بس منقدرش نعلنها صراحة، كان عندنا أدلة إنه بيدي رشاوي وكدا، فما ينفعش بغض النظر تتفق معانا سياسيا؛ إنك تتعامل معاه تحت أي ظرف، واللي زي ده ما ينفعش تقول عليه إخوان مسلمين.

وردَّ مرسي على خيرت الشاطر: هو خد فلوس منين؟، فتابع الشاطر: لو واحد سرق أو خلافه؛ فهو كان عنده انحرافات قوية، بس إحنا مش أسلوبنا نقعد نتكلم.

وأضاف مرسي: خد فلوس لما راح إيران، وبعدين ده واحد جابلي الفلوس حتى في مكتب من المكاتب.