منوعات
بالفيديو| الاختيار 3 الحلقة 27 .. تسريب جديد لخيرت الشاطر: حازم صلاح أبو إسماعيل دماغه متركبة إسلامي
تفاعل واسع حظيت به الحلقة 27 من مسلسل “الاختيار 3” بسبب عرض تسريب جديد يتحدث فيه نائب مرشد جماعة الإخوان الإرهابية خيرت الشاطر، مع محمد مرسي عن فترة انتخابات الرئاسة 2012.
محمد مرسي: “يعني إخونا في حزب النور خدوا أكتر من 8 ملاين صوت، أيوة يعني إحنا وصلنا 15 هما خدوا 8 وده رقم.. فإذا اقتنعوا بواحد زي الشيخ حازم مثلا هيدخلوه إعادة أنت بتتكلم عن حالة”.
خيرت الشاطر: “بس أنا بدأت حوار طويل معاهم في الحكاية دي برضو دلوقتي”
مرسي يعني هيزيد جزء.
الشاطر: “يعني مش هيدوله صوتهم لأ هي المشكلة مش في حازم المشكلة إن راسه متركبة إنه لازم يكون إسلامي..يعني إقناعهم بغير حازم سهل بس المهم إن أنت تديله بديل إسلامي مش إنت متدلوش، يعني بلاش حازم”.
مرسي: “مفيش بديل إسلامي مناسب.. خد بالك هي طريقة تفكيرهم، هم معندوهمش أفق واسع”.
خيرت الشاطر: “زي ما قولت لحضرتك المرة اللي فاتت والإشكالية إن المزاج العام للناخب المصري الآن إسلامي. فالتحدي الحقيقي إن إحنا لو وقفنا، ودي أزمة عندنا مش بقولها إن يعني هي إحنا بنسوق لفكرة تانية .. لأ ده إحنا فعلا في ورطة كلنا دلوقتي. لأن الشخصية دي قدام الشخصيات الإسلامية المطروحة هتبقى فرص نجاحها مش عالي، لأن المزاج العام كده، كذا وسبعين في المية من الناس”.
مرسي: ممكن تلاقي العوا نجح مثلا”
الشاطر: “العوا سهل ياريت العوا مش مشكلة.. لأ حازم.. حازم هو اللي هينجح.. كل الاستطلاعات دلوقتي الموجودة كلها جايبنه كلها نمرة واحد”
مرسي: تصور إنت لما يبقى حازم
