“السيسي” يفتتح 3 محطات للإنزال البحرى ومركز البيانات الإقليمى بالقاهرة

افتتح الرئيس عبدالفتاح السيسي، 3 محطات للإنزال البحرى بمناطق رأس غارب والزعفرانة، وسيدي كرير، كما افتتح أيضا مركز البيانات الإقليمي للشركة المصرية للاتصالات في القاهرة.

وأكد “السيسي”، أن الدولة المصرية جادة في ملف التحول الرقمي، قائلا: “لما الدولة المصرية تجي تعمل موضوع زي ده.. علشان تحقق التحول الرقمي بعد كان بتشتغل ورقي.. واحنا شغالين دلوقتي بنعمل ذكاء صناعي يكون فيه جزء من العمل يكون فيه ذكاء صناعي.. الرقم كام وكلفنا كام”.

وأضاف: “علشان تعرفوا أنه لتحويل الدولة دي إلى دولة نقول عليها جمهورية جديدة.. ارقام كبيرة جدا جدا.. الحكومة دفعت كام .. الدكتور عمرو وزير الاتصالات فاكر الـ 10 مليار جنيه بتوعه بس”.

ومن جانبه أكد الدكتور عمرو طلعت، وزير الاتصالات وتكنولوجيا المعلومات، أن جميع الخدمات التي يحتاج المواطن لإنجازها سيتم جمعها في مكان واحد حتى يتم التسهيل على المواطن، متابعًا أن منصة الخدمات التي تقدم عليها كافة الخدمات الحكومية .

وتابع “طلعت”، أن التكلفة الإجمالية 10 مليارات جنيه، حيث قاطعه الرئيس السيسي قائلًا :” أنت بتتكلم على الكلام اللي اتعملت بيه المراكز ولكن متكلمتش على المنشآت اللي اتعملت فيها المراكز دي اتكلفت كام وأنا بقول كده للناس الموجودة دلوقتي .. احنا عملنا رئيسي وتبادلي”، مضيفا” التبادلي لوحده متكلف 10 مليارات جنيه .. عايزين لما نيجي نتكلم على موضوع نوضح منين وبكام”، متابعا أنت مش اتكلمت عن أن المنشآت اللى اتعملت فيها اتكلفت كام.. بقول كده للناس اللى موجودة دلوقتي وبتسمعنى.. علمنا الرأسي والتبادلي.. التبادلي متكلف بنية إنشائية 10 مليار جنيه.. والرأسي أكثر شوية”.

وأضاف “السيسي”: “الفكرة هنا لما نتكلم على موضوع.. منين وبكام؟.. ليه احنا عملناه.. لكن عملناه بكام وده جه منين.. المراكز دي معمولة محصنة لا يمكن الاقتراب منها خالص وبأي شكل من الأشكال.. 15 متر تحت الأرض.. المركز الواحد متكلف 10 مليارات جنيه على الأقل إنشاءات مدنية لتوفير مكان لوضع فيه الخوادم الرئيسية”.

وقال وزير الاتصالات، إن الوزارة تعمل على تدعيم البنية التحتية لتقديم خدمة الإنترنت الثابت، مشيراً إلى أن في أواخر عام 2018 قامت الوزارة بوضع خطة متكاملة لتطوير البنية التحتية التي تقدم الإنترنت الثابت، مضيفا أن كان متوسط الانترنت الثابت في مصر حوالي 5.6 ميجابيت في الثانية، وكانت مصر تحتل المركز الأربعين بين 43 دولة على مستوى إفريقيا، لذا قامت الدولة المصرية بوضع خطة تتكلف 40 مليار جنيه في عام 2019.

وتابع وزير الاتصالات وتكنولوجيا المعلومات، أن حالياً أصبح متوسط سرعة الإنترنت الثابت 41 ميجابيت في الثانية، وأصبحت مصر أيضاً تحتل المركز الأول إفريقياً بين 43 دولة أفريقية.

وكان الرئيس عبدالفتاح السيسي، قد أطلق صباح اليوم الأربعاء، “منصة مصر الرقمية” بشكل رسمي.