السيسي: “مافيش بلد هتتقدم وتعبر مشاكلها إلا بالأمن والاستقرار”
قال الرئيس عبدالفتاح السيسي كنت متأكد انه بفضل الله سبحانه وتعالي ان مصر هتعبر زي ما كتير من الأزمات بتعبر واللي يقرأ التاريخ هيشوف كدا كتير والل بقولهولكوا الوقتي لينا ولكل المصريين وللدنيا كلها .. الدنيا مابتفضلش على حالها ودائما ربنا سبحانه وتعالي بايده الطيبة معانا كلنا مع الدنيا كلها والا ماكنتش ابدا استمرت
وتابع السيسي “عايز اقول ان المرحلة اللي احنا موجودين فيها مهما كانت صعبة علينا كلنا ولكن بفضل من الله سبحانه وتعالي .. وإن شاء الله هنعبرها بخير وسلام واتصور ان المصاعب موجودة في كل الدنيا مش في بلدنا بس .. لكن زي ما قولت ان ازمة كورونا عبرت بسلام بأثرها لكن عبرت بفضل الله”.
وأكد الرئيس خلال كلمته في حفل خريجي دفعات الكليات والمعاهد العسكرية اليوم “اللي يبقى هي الأوطان .. تبقى البلاد .. يبقى الاستقرار .. الأمان .. السلام لانه بالمناسبة مافيش بلد هتتقدم ابدا في الدنيا وتعبر مشاكلها الا بالامن والاستقرار ”
وأكد الرئيس السيسي، هو ده دور الجيش انه يحمي ويصون ويضحي علشان تبقا البلد دي دايما ثابتة مستقرة وآمنة سالمة إن شاء الله”.
