ما هو الشغل الإداري؟

الشغل الإداري.. استلام الاحكام :-

بالنسبة لاستلام الاحكام لازم نفرق بين احكام المدنى زى صحة التوقيع ، وبين احكام الصادرة عن القضاء الادارى وبين الاحكام الصادرة فى قضايا الجنح والجنايات

بالنسبة للمدنى :- فده هتلاقيه فى قلم الحفظ يا اما عند سكرتير الجلسة لو مكنش لسه بعت الحكم للحفظ لان الاحكام بتاخد وقت عشان تروح الحفظ المدني ، انت بتروح للسكرتير الاول بعد ما تاخد الحكم فى الدعوى ، وتساله اذا كانت عنده ولا فى الحفظ المدنى

ملحوظات :-

اجراءت استخراج صورة رسمية من الحكم :-

لو كانت الدعوى فى الحفظ المدنى هتروح على اوضه الحفظ المدنى تسال فى الاستعلام هى فين ، وتشوف الاول قضيتك تبع قسم ايه او مركز ايه

يعنى انا مثلا تبع مدنى المعادي يبقى اروح على حفظ مدنى المعادي

اول ما تروح مكتب الحفظ تديله رقم الدعوى وسنتها هيطلعلك الحكم ، تديله البطاقة او الكارنية هيحددلك رسم تدفعه فى الخزنة بعدين تروح تدفع وتصور الحكم والتوكيلات ( توكيلك وتوكيل المحامى ) وتسال مراجعه الحكم فين ؟؟

احنا مثلا فى مجمع محاكم جنوب القاهرة اللى فى زينهم مراجعة الصور عند الاستاذ فلان ، اللى جنب رئيس القلم المدنى ، المراجعة بتبقى عبارة عن انه بيقفل الحكم ، بيقعد يشخبط شوية فى الورقة

وبعد ما تراجع ترجع تانى للحفظ تاخد بطاقتك وتسيبه وتطلع على قلم الصور وهناك هياخد الحكم ويكتب عليه رقم ويسجله فى دفتر ويدهولك وتطلع انت على رئيس القلم تختم الحكم وخلاص كده

ملحوظات :-

بالنسبة لاستلام احكام الصادرة فى الجنح :-

ده بيبقى عند سكرتير الجلسة ، روح مكتب السكرتارية واسال القضية عند مين فيهم وهتصور الحكم

بالنسبة لاحكام القضاء الادارى :- نفس نظام المدنى

ملحوظات :

كيفية استخراج شهادة بعدم حصول استئناف :-

وده بيبقى من جدول المدنى ، تروح هناك وتقوله لو سمحت عايز شهادة بعدم حصول الاستنئاف هيديك نموذج تملاه وتكتب فيه اسم المدعى والمدعى عليه ومده الاستنئاف وتيجى كمان شوية

ملحوظات :

رقم الحصر

وده عن طريقه بتعرف اذا كان الخصم فى جنحة عمل معارضة او استئناف فى الحكم ولا لا ( وهنعرف بعدين يعنى ايه معارضة وده فى الجزء النظرى ) هتسال فى الاستعلامات زى ما اتفقنا هيقولك تروح مكتب اسمه التنفيذ شوفه فى انهى دور واسال هناك وهتعرف من الموظف